Banklara nə qədər valyuta satılıb?
Dövlət Neft Fondu banklara fevral ayında satdığı valyutanın məbləğini açıqlayıb. Novator.az-a verilən rəsmi məlumata görə, fond ilin ikinci ayında keçirilən hərraclarda 258,4 milyon ABŞ dolları həcmində valyuta satıb.
Yanvar ayında Mərkəzi Bankın keçirdiyi valyuta hərraclarında Dövlət Neft Fondundan 285 milyon ABŞ dolları məbləğində vəsait alınmışdı.
2016-cı ilin hərraclarında Dövlət Neft Fondu 4,9 milyard ABŞ dolları satmışdı.
Martın 1-də ABŞ dollarının rəsmi kursu 1,7475 manatdan 1,7515 manata yüksəlib.
2017-ci ilə dollar 1,7707 manatla başlayıb və ay ərzində kurs 1,9165 manata qalxıb. Fevralın ilk iki günündə rəsmi kurs 1,92 manat olub. Bunun ardınca ucuzlaşma dalğası gəlib və kurs 1,7296 manata yüksəlib. Fevralın 17-dən isə dolların rəsmi kursu yenə artaraq 1,7475 manata çatıb.
