Sabitlik, artım, azalma…
Fevralın 28-də ABŞ dollarının rəsmi kursu dəyişməyib. Dollar yenə banklara 1,7475 manata satılır. Bu qiymət ötən həftənin cümə günündən qüvvədədir.
Bəzi valyutalarda isə bahalaşma var. Novator.az-ın məlumatına görə, Mərkəzi Bank avronun məzənnəsini 1,8466 manatdan 1,8505 manata, Rusiya rublunun məzənnəsini 0,0301 manatdan 0,0302 manata qaldırıb.
Gürcü larisi və ingilis funt sterlinqinin rəsmi kurslarında da artım var. 1 lari 0,6793 manata, 1 funt sterlinq 2,1725 manata təklif olunur.
Ucuzlaşan türk lirəsinə isə 0,4843 manat qiymət qoyulub (Məzənnələr).
