Atəşkəs 145 dəfə pozulub
Fevralın 28-də rəsmi məlumat yayan Müdafiə Nazirliyi bildirir ki, Ermənistan Silahlı Qüvvələrinin bölmələri sutka ərzində atəşkəs rejimini ümumilikdə 145 dəfə pozub. Ermənilərin cəbhənin müxtəlif istiqamətlərində 60 və 82 millimetrlik minaatanlardan, iriçaplı pulemyotlardan, həmçinin qumbaraatanlardan istifadə etdiyi bildirilir.
Tovuz rayonunun Ağdam, Muncuqlu kəndlərindəki, həmçinin Goranboy, Tərtər, Ağdam və Füzuli rayonları ərazisindəki mövqelər atəşə tutulub. Əməliyyat şəraitinə uyğun olaraq Azərbaycan bölmələri adekvat cavab tədbirləri görüb.
Başqa bir məlumata əsasən, ATƏT nümayəndələri martın 1-də Ağdam rayonunun Çəmənli kəndi istiqamətində yerləşən Azərbaycan və Ermənistan qoşunlarının qarşıdurma xəttində monitorinq keçirməyi planlaşdırır.
