Yaşıl meydanlar qışdan nə ilə çıxır?
Avropanın yaşıl meydanları qışdan çıxmaq üzrədir. Novator.az bəzi ölkələrin futbol çempionatlarının gedişinə nəzər salıb.
İngiltərə çempionatında turnir cədvəlinə 63 xal yığan “Çelsi” başçılıq edir. 26 turdan sonra “Tottenhem” 53 xalla ikinci yerdə dayanır. Ehtiyatda bir oyunu olan “Mançester Siti” 52 xalla üçüncüdür.
Almaniya çempionatında 22 turdan sonra turnir cədvəlinin önündə 53 xalla “Bavariya” dayanır. “Leypsiq” 48 xalla ikinci yerdə gedir. Üçüncü pillədə 40 xal toplayan “Borussiya” (Dortmund) qərar tutub.
İspaniyada 24 tur oynanıb. Bir oyun əskik keçirən “Real” 55 xalla zirvədədir. “Barselona” 54 xalla ikinci, “Sevilya” 52 xalla üçüncü pillənin sahibidir.
İtaliyada 26 turdan sonra “Yuventus” liderlik edir. Bu komanda 66 xal yığıb. “Roma” 59 xalla ikinci, “Napoli” 54 xalla üçüncü pillədədir.
Fransada 27 turun sonunda “Monako” 62 xalla öndə gedir. Lideri izləyən PSJ və “Nitsa” 59 xal toplayıblar.
Hollandiya çempionatında “Feyenoord”, Portuqaliya çempionatında “Benfika”, Türkiyə çempionatında “Beşiktaş” öndə gedir.
