Şəhidlərin meyitləri götürüldü
Fevralın 27-si axşama doğru Müdafiə Nazirliyi yeni rəsmi məlumat yayıb. Qeyd olunur ki, fevralın 25-nə keçən gecə şəhid olmuş hərbi qulluqçuların meyitləri beynəlxalq vasitəçilərin iştirakı ilə döyüş meydanından təxliyə edilib.
Fevralın 25-nə keçən gecə cəbhənin Xocavənd-Füzuli istiqamətində əlverişli mövqeləri ələ keçirməyə cəhd göstərən erməni birləşmələri ilə Azərbaycan qoşunları arasında döyüş toqquşması baş verib. 5 hərbi qulluqçu şəhid olub: Abdullayev Aqşin İsmayıl oğlu, Nəzərov Şahlar Yaşar oğlu, Haşımlı Tural Əbdül oğlu, Qədimov Zülfü Rəhim oğlu, Cəfərov Zakir Nazim oğlu.
Allah rəhmət eləsin!
