İlham Əliyevin Qətər görüşləri
Prezident İlham Əliyev fevralın 26-da Qətərə rəsmi səfərə gedib. Doha şəhərindəki “Hamad” beynəlxalq aeroportunda prezidenti Qətərin iqtisadiyyat və ticarət naziri başda olmaqla dövlət və hökumət rəsmiləri qarşılayıb.
AZƏRTAC-ın məlumatına görə, həmin gün İlham Əliyev Dohada “Al Faisal Holding” şirkətinin rəhbəri və Qətər İş Adamları Assosiasiyasının sədri Şeyx Faisal bin Qassim bin Faisal Al Tani ilə görüşüb. Söhbət zamanı ticarət və investisiya sahələrində əməkdaşlığın perspektivləri müzakirə olunub.
Prezident “Qatar Petroleum”un prezidenti və icraçı direktoru Saad Şerida al-Kaabi ilə də bıra araya gəlib. Görüşdə Azərbaycanla “Qatar Petroleum” arasında əməkdaşlıq imkanları müzakirə edilib, bir sıra layihələrdə birgə iştirakın mümkünlüyü vurğulanıb.
