5 nəfərin şəhid olduğu açıqlandı
Fevralın 27-də Müdafiə Nazirliyi rəsmi məlumat yayıb. Məlumata əsasən, fevralın 24-dən 25-nə keçən gecə Ermənistan Silahlı Qüvvələrinin bütün cəbhə boyu törətdiyi irimiqyaslı təxribatların qarşısı alınarkən 5 hərbi qulluqçu şəhid olub: Abdullayev Aqşin İsmayıl oğlu, Nəzərov Şahlar Yaşar oğlu, Haşımlı Tural Əbdül oğlu, Qədimov Zülfü Rəhim oğlu, Cəfərov Zakir Nazim oğlu.
Nazirlik qeyd edir ki, onların meyitlərinin döyüş meydanından çıxarılması məqsədilə ATƏT və Beynəlxalq Qızıl Xaç Komitəsinin nümayəndələrinin vasitəçiliyi ilə fevralın 26-sı saat 12:00-da müvafiq tədbirlərin həyata keçirilməsi planlaşdırılıb: “Lakin meyitlərin çıxarılması proseduru başlayanda Ermənistan beynəlxalq vasitəçilərin iştirakı ilə əvvəlcədən əldə edilmiş razılığın şərtlərini pozaraq əməliyyatın keçirilməsinə mane olmaq məqsədilə bilərəkdən qəbuledilməz yeni tələblər irəli sürüb.
Eyni zamanda cəbhənin digər istiqamətlərində düşmən tərəfi mövqelərimizi müxtəlif çaplı silahlardan, artilleriya qurğularından atəşə tutub və bir neçə istiqamətdə planlı surətdə diversiya həyata keçirməyə cəhd göstərib”.
