Naxçıvanın Konstitusiyasında nələr dəyişdi?
Naxçıvan Muxtar Respublikasının Ali Məclisi fevralın 23-də bölgənin Konstitusiyasına dəyişikliklər edib. Yeniliklər konstitusiyanı 2016-cı il sentyabrın 26-da keçirilmiş referendumla Azərbaycan Konstitusiyasında edilən dəyişikliklərə uyğunlaşdırır.
AZƏRTAC xəbər verir ki, konstitusiyanın Naxçıvan Muxtar Respublikasında vətəndaşların seçki hüququnu tənzimləyən 8-ci maddəsi yeni redaksiyada verilərək adından və mətnindən məhdudlaşdırıcı ifadələr çıxarılıb, maddənin strukturu konstitusiya normalarına uyğunlaşdırılıb.
Konstitusiyanın 15-ci, 29-cu və 41-ci maddələrinə edilən dəyişikliklərlə 18 yaşı tamam olmuş, seçkilərdə iştirak hüququ olan hər bir şəxs dövlət orqanlarında təmsil oluna biləcək.
Dəyişikliklərdə deputatların məsuliyyətinin artırılması məsələsi də öz əksini tapıb.
Konstitusiyanın 43-cü maddəsinin III hissəsinə təklif edilən dəyişiklik isə texniki xarakter daşıyır.
