Müsavatçı həbs olunub
Şəkildə: Yusif Qarayevin evində zona müşavirəsi, 19 fevral 2017-ci il
Müsavat Partiyasının Şəki şəhər təşkilatının üzvü Yusif Qarayevə 25 sutka inzibati həbs verilib. Qərar fevralın 24-də Şəki Şəhər Məhkəməsində çıxarılıb.
Yusif Qarayev polisin qanuni tələbinə tabe olmamaqda təqsirli bilinib.
“Azadlıq” radiosu xəbər verir ki, bu həbsdən bir neçə gün qabaq – fevralın 19-da Yusif Qarayevin mənzilində Müsavatın zona müşavirəsi keçirilib. Müşavirədə partiyanın Divan üzvləri Elman Fəttah və İkram İsrafil də iştirak ediblər. Müsavatın Şəki təşkilatının sədri Bakıxan Qəribli Yusif Qarayevin həbsinin kökündə bu məsələnin durduğuna inanır.
