“Beşiktaş” mərhələ keçdi
UEFA Avropa Liqasının 1/16 finalı yekunlaşıb. Novator.az-ın məlumatına görə, turnirdə mübarizə aparan Türkiyə komandaları fevralın 23-də fərqli nəticələr əldə ediblər.
İstanbulda İsrailin “Hapoel” (Beer-Şeva) komandasını qəbul edən “Beşiktaş” 2:1 hesabı ilə qələbə qazanaraq 1/8 finala adlayıb. Səfər oyununda istanbullular 3:1 hesablı zəfər çalmışdılar.
Ankarada keçirilən “Osmanlıspor” – “Olimpiakos” (Yunanıstan) görüşündə isə qonaqlar üstün gəlib – 3:0. İlk oyunda hesab açılmamışdı.
