Xaçmazda çıxarış kampaniyası
Əmlak Məsələləri Dövlət Komitəsi fevralın 22-si Xaçmaz rayonunda yerləşən Qafqaz Konserv Zavodunda iş yerində çıxarış kampaniyası keçirib.
Rəsmi məlumata görə, müəssisədə çalışan vətəndaşlara birbaşa iş yerlərində evlər, mənzillər və torpaqların qeydiyyatına dair operativ xidmətlər göstərilib. 50-yə yaxın zavod işçisinə həyət evləri, torpaq sahələri, mənzillər, pay torpaqları və həyətyanı sahələrə aid çıxarışlar verilib. 40-a yaxın vətəndaşdan isə növbəti mərhələdə çıxarışla əvəz olunması üçün əvvəlki illərdə verilmiş aktlar, şəhadətnamələr, qeydiyyat vəsiqələri və digər mülkiyyət sənədləri qəbul edilib.
