Mandat təhvil verilməlidir
Milli Məclisin deputatı Mehriban Əliyeva fevralın 21-də birinci vitse-prezident təyin edilib. Novator.az bildirir ki, konstitusiya görə, Mehriban Əliyeva mandatını təhvil verməlidir.
Ana qanunun 85-ci maddəsinə əsasən, icra hakimiyyəti sistemində qulluq edən şəxs Milli Məclisə deputat seçilə bilməz.
89-cu maddədə isə qeyd olunur ki, dövlət orqanlarında vəzifə tutan şəxs Milli Məclisin deputatı səlahiyyətini itirir.
Seçki Məcəlləsinə əsasən, mandata xitam qərarı Mərkəzi Seçki Komissiyasının səlahiyyətindədir. Qanunla Mehriban Əliyeva Mərkəzi Seçki Komissiyasına ərizə ilə müraciət etməli, komissiya 2 aydan gec olmayan müddətdə qərar çıxarmalıdır.
Mehriban Əliyeva 14 saylı Xəzər dairəsindən deputatdır.
