Cəbhə xəttində gərginlik
Fevralın 22-də Müdafiə Nazirliyi rəsmi bilgi yayıb. Məlumata görə, Dağlıq Qarabağdakı Ermənistan Silahlı Qüvvələrinin kəşfiyyat-diversiya qrupu fevralın 21-də təxribat törətmək üçün Azərbaycan mövqelərinə basqın cəhdi göstərib: “Düşməni daim izləyən bölmələrimiz qabaqlayıcı atəş zərbələri vurub. Ölü və yaralı olaraq itki verən düşmən geri çəkilməyə məcbur edilib. Azərbaycan Silahlı Qüvvələri heç bir itki verməyib və hazırda bütün cəbhə boyu əməliyyat şəraitinə tam nəzarət edir”.
1988-ci ildən başlayaraq Ermənistanın Azərbaycana hərbi təcavüzü nəticəsində Dağlıq Qarabağ bölgəsi (Ağdərə, Xocavənd, Xankəndi, Xocalı, Şuşa) və onun həndəvərindəki 7 rayon (Laçın, Kəlbəcər, Zəngilan, Qubadlı, Cəbrayıl, Ağdam, Füzuli) zəbt edilib.
1994-cü ilin mayında elan olunan atəşkəsdən bəri ATƏT-in Minsk qrupunun vasitəçiliyi ilə aparılan sülh danışıqları heç bir nəticə vermir.
