Ukrayna ərazisinin 7,2 faizini itirib
Rusiyanın Ukraynaya hərbi təcavüzünün nəticələri açıqlanıb. Novator.az-ın məlumatına görə, Ukrayna Xarici İşlər Nazirliyi fevralın 21-də rəsmi bilgi yayaraq bəyan edib ki, ölkə ərazisinin 7,2%-i işğal olunub, dövlət sərhədinin 409,7 kilometrinə nəzarət itirilib.
Nazirliyin hesabatına əsasən, silahlı münaqişə ərzində 9 min 800-dən çox adam həlak olub, 23 min nəfər xəsarət alıb. Məcburi köçkünlərin sayı 1 milyon 800 min nəfərdir.
2014-cü ilin fevralında Ukraynada hakimiyyət xalq üsyanı ilə dəyişib, Rusiyaya bağlı qüvvələri Qərbə yaxın qüvvələr əvəzləyib. Bundan dərhal sonra Rusiya Ukraynanın Krım bölgəsini hərbi güclə tutaraq özünə birləşdirib və Donbasda iki separatçı rejimin əli ilə bu bölgənin bir hissəsini işğal edib.
