21 fevral hərracından rəsmi məlumat
Əmlak Məsələləri Dövlət Komitəsi fevralın 21-də hərrac keçirib. Rəsmi məlumatda bildirilir ki, hərracda 2 səhmdar cəmiyyəti, 1 nəqliyyat vasitəsi, 13 kiçik dövlət müəssisə və obyekti özəlləşdirilib.
13 kiçik müəssisə və obyektdən 8-i paytaxtda, 1-i Sumqayıtda, 1-i Mingəçevirdə, 1-i Lənkəranda, 1-i Biləsuvarda, 1-i Gəncədə yerləşir. Əmlakların 1-i ticarət, 1-i xidmət və ictimai iaşə, qalanları sənaye sahəsinə aid olub.
Hərracda ən yüksək qiymət paytaxtın Sabunçu rayonunda yerləşən 93 saylı mağazaya və Lənkəran rayonundakı qeyri-yaşayış sahəsinə təklif olunub. Sabunçu rayonunda yerləşən daşınmaz əmlak 60 min, Lənkəran rayonundakı obyekt isə 50 min manata özəlləşdirilib.
