Azərbaycan Ermənistandan 20 dəfə çox silah alır
Stokholm Beynəlxalq Sülh Araşdırmaları İnstitutu silahlanma haqda illik hesabat yayıb. “Azadlıq” radiosunun məlumatına görə, hesabatda qeyd olunur ki, dünyanın 40 ən böyük silah istehsalçısının müştəriləri siyahısında Azərbaycan 21-ci yeri tutur.
2012-2016-cı illərdə Azərbaycanın silah idxalını 2007-2011-ci illərə nisbətən 75% artırdığı, Ermənistandan 20 dəfə çox silah aldığı vurğulanır.
Hesabata əsasən, 2012-2016-cı illərdə Rusiya istehsalı olan silahların 4-5%-ni Azərbaycanla Venesuela alıb. İsrailin ixrac etdiyi silahların 13%-nin, Belarus silahlarının 11%-nin müştərisi Azərbaycan olub.
Azərbaycanın 2012-2016-cı illərdə idxal etdiyi silahların 3,6%-ni Belarusdan, 22%-i İsraildən, 69%-ni Rusiyadan aldığı göstərilir.
Silah satışına görə ilk beşlikdə ABŞ, Rusiya, Çin, Fransa və Almaniya dayanır. Dünya silah ixracatının 74%-i bu ölkələrin payına düşür.
