Qərar: məcburi köçkünlərə pulsuz işıq limiti müəyyənləşdi
Nazirlər Kabineti “Sıx müvəqqəti məskunlaşma yerlərində faktiki yaşayan məcburi köçkünlərin və onlara bərabər tutulan şəxslərin istifadə etdikləri elektrik enerjisi üzrə limitlərin müəyyən edilməsi haqqında” qərar qəbul edib. Novator.az-ın məlumatına görə, limit adambaşına ayda 300 kilovat-saat müəyyən olunub.
Qaçqınların və Məcburi Köçkünlərin İşləri üzrə Dövlət Komitəsinə aidiyyəti rayon (şəhər) icra hakimiyyətləri və kommunal xidmət təşkilatları ilə birlikdə hər ay faktiki istehlak olunan təbii qaz, elektrik enerjisi, su və məişət tullantılarının daşınması üzrə üzləşdirmə aktı tərtib etmək və həmin kommunal xidmətlərinə görə haqların faktiki göstəricilər nəzərə alınmaqla, müəyyən edilmiş limitlər daxilində mərkəzləşmiş qaydada aidiyyəti kommunal xidmət təşkilatlarına ödənilməsini təmin etmək tapşırılıb (QƏRAR).
Məcburi köçkünlər üçün vahid aylıq müavinət təyin olundu
Əvvəlki qayda ilə köçkünə 37 manat 50 qəpiklik güzəşt düşürdü
