![]({"full":{"0":"2017\/02\/Meshe-1.jpg","1":600,"2":318,"3":false,"file":"https:\/\/novator.az\/wp-content\/uploads\/2017\/02\/Meshe-1.jpg"}})
Ötən il 22 min kubmetrdən çox ağac qanunsuz kəsilib
Ötən il müəssisələrdə keçirilən bütün növ yoxlama və araşdırmalarda 154 min 619 manat ziyan məbləğində 22 min 253 kubmetr həcmində ağacların qanunsuz kəsildiyi aktlaşdırılaraq qanunauyğun tədbirlər görülüb. Aktlaşdırılan pozuntulara görə hesablanan ziyandan 62 faizi ödənilib, təqsirkar şəxslər barəsində müvafiq tədbirlərin görülməsi məqsədi ilə 144 iş hüquq mühafizə orqanlarına və məhkəmələrə göndərilib.
Ekologiya və Təbii Sərvətlər Nazirliyinin Meşələrin İnkişafı Departamentindən AZƏRTAC-a bildirilib ki, ötən il iki müəssisədə cəmi 0,7 hektar sahədə meşə yanğınları baş verib, onlar da operativ qaydada söndürüldüyündən meşələrə ciddi ziyan dəyməyib.
2016-cı il ərzində müəssisələr üzrə 32708 kubmetr həcmində oduncaq tədarük olunub. Meşə fondu torpaqlarının istifadəsi ilə əlaqədar ümumi sahəsi 379 hektar olmaqla fiziki və hüquqi şəxslərlə 136 müqavilə bağlanıb.