Əmlak qeydiyyatı iş yerlərinə də gəldi
Əmlak Məsələləri Dövlət Komitəsi “Kütləvi çıxarış” kampaniyası çərçivəsində əhaliyə iş yerlərində də daşınmaz əmlakın qeydiyyatı xidmətləri göstərəcək. Rəsmi məlumata görə, ilk belə kampaniya fevralın 17-də İmişli Şəkər Zavodunun işçiləri üçün keçirilib, 50-yə yaxın zavod işçisinə əmlaklarına dair hazır çıxarışlar təqdim olunub.
Çıxarışlar əsasən fərdi yaşayış evləri, pay torpağı, həyətyanı torpaq sahələrini əhatə edib. 70-ə yaxın zavod işçisindən isə ilkin mərhələdə çıxarışla əvəz olunması üçün lazımi sənədlər alınıb.
Kampaniya sosial xarakter daşıdığı üçün zavod işçiləri xidmət haqqı və dövlət rüsumu istisna olmaqla heç bir əlavə ödəniş etməyib.
