Dövlət komitəsindən yeni göstəricilər
2017-ci ilin ilk ayında sənaye müəssisələri və bu sahədə fəaliyyət göstərən fərdi sahibkarlar 3,5 milyard manatlıq və ya əvvəlki ilin müvafiq dövrü ilə müqayisədə 1 faiz çox sənaye məhsulu istehsal edib. Novator.az-ın məlumatına görə, Dövlət Statistika Komitəsi bildirir ki, sənayenin qeyri-neft sektorunda məhsul istehsalı 13 faiz artıb, neft sektorunda isə 1 faiz azalıb.
Kənd təsərrüfatında ümumi məhsulun 3,5 faiz, o cümlədən bitkiçilik məhsulları istehsalının 33,2 faiz, heyvandarlıq məhsulları istehsalının 2,9 faiz artdığı vurğulanır.
2017-ci ilin yanvar ayında əsas kapitala 954,2 milyon manat məbləğində, yaxud 2016-cı ilin müvafiq dövrü ilə müqayisədə 2,1 faiz az vəsait yönəldilib.
Nəqliyyat sektoruna gəlincə, əvvəlki ilin müvafiq dövrü ilə müqayisədə yük daşınması 4,3 faiz, sərnişin daşınması isə 2,7 faiz artıb.
2016-cı ilin yanvar ayı ilə müqayisədə 2017-ci ilin ilk ayında informasiya və rabitə xidmətlərinin dəyəri 2,3 faiz azalıb, bu sahədə əldə edilən gəlirin 79,8 faizi qeyri-dövlət sektorunun payına düşüb.
