Azərbaycanın dünya ilə ticarəti: yeni rəqəmlər
2017-ci ilin yanvar ayında Azərbaycanın əsas xarici ticarət tərəfdaşı İtaliya olub. Novator.az-ın məlumatına görə, Dövlət Gömrük Komitəsi bildirir ki, bu ölkə ilə ticarətin həcmi ümumi dövriyyənin 17,76 faizini təşkil edib.
Türkiyə 10,16 faizlə ikinci, Rusiya 8,73 faizlə üçüncü ölkədir.
İxracda əsas ölkələrin siyahısında 25,48 faizlə İtaliya öndə gəlir. İdxalda əsas ölkə isə Rusiyadır (18,58 faiz).
Yanvarda MDB ölkələrinə ixrac 2016-cı ilin ilk ayı ilə müqayisədə 189,97 faiz artıb. Avropa İttifaqı ölkələrinə ixrac 5,37 faiz azalıb.
Digər ölkələrə ixracda ötən ilin yanvarı ilə müqayisədə 68,27 faiz artım qeydə alınıb.
MDB ölkələrindən idxal 2016-cı ilin yanvarı ilə müqayisədə 50,1 faiz, digər ölkələrdən idxal 6,96 faiz artıb.
Avropa İttifaqından idxalda isə 26,97 faiz azalma var.
