Yanvarın gömrük hüquqpozmaları
2017-ci ilin yanvar ayı üzrə gömrük hüquqpozmalarının statistikası bəlli olub. Novator.az-ın məlumatına görə, Dövlət Gömrük Komitəsinin hesabatında bildirilir ki, ay ərzində gömrük orqanları cinayət xarakterli 68 fakt aşkarlayıb.
Gömrükçülər ötən ay 45 qaçaqmalçılıq faktı, narkotik vasitələrin və psixotrop maddələrin qanunsuz dövriyyəsi ilə əlaqədar 16 fakt, 1 gömrük ödənişindən yayınma, 6 aksiz markası olmadan mal idxal etmə faktı, 16 digər cinayət xarakterli fakt qeydə alıb.
Yanvar ayı ərzində gömrük hüquqpozmalarında 75 şəxs təqsirləndirilib.
Hesabat dövründə Dövlət Gömrük Komitəsi 605 inzibati xəta faktı ortaya çıxarıb.
