Ötən il nazirlik 42 nəfəri ailə mühitinə qaytarıb
Əmək və Əhalinin Sosial Müdafiəsi Nazirliyi bildirir ki, sosial xidmət müəssisələrində daimi dövlət təminatında 1087 nəfər yaşayır. Hesabata görə, 321 nəfər sağlamlıq imkanları məhdud uşaq 1 və 2 saylı sosial xidmət müəssisələrində dövlət qayğısı ilə əhatə olunub. Sosial xidmət müəssisələrində yaşayan şəxslərdən 526 nəfəri ruhi-əsəb əlilidir. Qalan şəxslər isə nazirliyin müharibə və əmək əlilləri üçün pansionatında yaşayırlar.
Nazirliyin məlumatına əsasən, sosial xidmət müəssisələrində yaşayan şəxslərin doğma ailə mühitinə qayıtmaları yönündə də müvafiq tədbirlər həyata keçirilir. Keçən il bu müəssisələrdən 42 nəfər şəxsin doğma ailə mühitinə qayıtmaları təmin olunub.
