İqtisadi azadlıq: Azərbaycan 180 ölkə arasında 68-cidir
ABŞ-ın “Heritage” (İrs) fondu 2017-ci il üzrə iqtisadi azadlıq indeksini açıqlayıb. Novator.az-ın məlumatına görə, Azərbaycan 180 ölkəni əhatə edən reytinqdə iqtisadiyyatı qismən azad ölkə kimi 68-ci yeri tutur.
Hesabata əsasən, iqtisadiyyatı azad ölkələrin siyahısına Honkonq, Sinqapur, Yeni Zelandiya, İsveçrə və Avstraliya başçılıq edir. Estoniya liderlər qrupunda – 6-cı sırada qərarlaşıb.
Kuba, Venesuela və Şimali Koreya reytinq siyahısının sonunda gəlirlər.
Gürcüstan 13-cü, Litva 16-cı, Latviya 20-ci yerdədir.
İqtisadi azadlıq baxımından Ermənistan 33-cü, Qazaxıstan 42-ci, Qırğızıstan 89-cu, Belarus 104-cü, Tacikistan 109-cu, Moldova 110-cu, Rusiya 114-cü, Özbəkistan 148-ci, Ukrayna 166-cı, Türkmənistan 170-cidir.
