Dolların istiqaməti yenə dəyişdi
Mərkəzi Bank milli valyutanı yenidən ucuzlaşdırıb. Novator.az xəbər verir ki, fevralın 3-dən möhkəmlənməyə başlayan manat bu gün keçirilən hərracda yenidən dəyər itirib. Mərkəzi Bank fevralın 16-da manatın orta çəkili məzənnəsini 1,7351 səviyyəsində müəyyən edib. Hazırda dolların rəsmi məzənnəsi 1,7296 manatdır.
Baş bank 2017-ci ilin ilk iş günü ABŞ dollarının kursunu 1,7707 manat müəyyən etmişdi. Fevralın 3-nə qədər milli valyuta yalnız ucuzlaşma xətti tutaraq bir ay ərzində 15 qəpiyə qədər dəyər itirmişdi. Fevralın 3-dən bu günə qədər isə ABŞ dollarının qiymətində 19 qəpikdən çox ucuzlaşma müşahidə edilib.
2015-2016-cı illərdə dolların rəsmi məzənnəsi 0,7844 manatdan 1 manat 77 qəpiyə qalxıb.
