Tikintidə orta maaş 800 manatı ötüb
Dövlət Statistika Komitəsi tikinti sahəsində muzdlu işçilərin sayı və orta aylıq əməkhaqqı barədə hesabat yayıb. Novator.az-ın məlumatına görə, bildirilir ki, 2016-cı ildə tikinti sahəsində muzdla çalışan işçilərin orta siyahı sayı 95,2 min nəfər təşkil edib, 48,2 min nəfər binaların tikintisində, 24 min nəfər mülki təyinatlı inşaat işlərində, 23 min nəfər ixtisaslaşdırılmış tikinti işlərində çalışıb. İşçilərin 27 faizi dövlət, 73 faizi qeyri-dövlət tikinti müəssisələrində məşğul olublar.
Tikinti sahəsində işləyənlərin orta aylıq nominal əməkhaqqı əvvəlki ilə nisbətən 18,6 faiz artaraq 813,7 manata çatıb. Qeyri-dövlət sektorunda işçilərin orta aylıq nominal əməkhaqqı 927,8 manat, dövlət sektorunda isə 527 manat olub.
Əvvəlki illə müqayisədə ixtisaslaşdırılmış tikintidə orta aylıq nominal əməkhaqqı 21,6 faiz, binaların tikintisində 14,9 faiz, mülki təyinatlı inşaat işlərində 0,9 faiz artıb.
