Rusiyadan Azərbaycana halal toyuq əti gətiriləcək
Rusiyada hind toyuğu ətinin ən iri istehsalçısı olan “Eurodon” şirkətlər qrupu Özbəkistana, Azərbaycana və Qırğızıstana halal, yəni müsəlman qanunlarına uyğun məhsullar göndərilməsi barədə bu dövlətlərlə razılığa gəlib.
AZƏRTAC “RİA Novosti”yə istinadla bildirir ki, “Eurodon” şirkətlər qrupunun təmsilçisi deyib: “Azərbaycan, Özbəkistan və Qırğızıstan kimi ölkələrin bazarında işləyən ixracatçılarla danışıqların əsas mövzusu həm soyudulmuş, həm də emal edilmiş şəkildə halal məhsullar ixracı ilə bağlı olub. Həmin ixracatçılarla tərəfdaşlıq münasibətləri yaradılmasına dair niyyət sazişləri bağlanması barədə razılaşma əldə edilib”.
