Ən yaxşı tələbə şəhərləri
Britaniyanın “Quacquarelli Symonds” şirkəti dünyanın ən yaxşı tələbə şəhərlərinin reytinqini tərtib edib.
Novator.az-ın məlumatına görə, şəhərlər 6 meyar üzrə qiymətləndirilib: ali məktəblərin nüfuzu, tələbələrin beynəlxalq tərkibi, şəhərin populyarlığı, işə götürənlərin fəallığı, təhsil haqqı, bir neçə göstəricidən ibarət tələbə rəyi.
Reytinqin ilk pilləsində Kanadanın Monreal şəhəri durur. Paris (Fransa) ikinci, London (Britaniya) üçüncüdür.
Ən yaxşı tələbə şəhərləri siyahısının ilk 10-luğuna bu şəhərlər də daxildir: Seul (Cənubi Koreya), Melburn (Avstraliya), Berlin (Almaniya), Tokio (Yaponiya), Boston (ABŞ), Münhen (Almaniya), Vankuver (Kanada).
