429 tələbə köçürülmək üçün müraciət edib
Tələbələrin ölkədəki və xaricdəki ali təhsil müəssisələrindən köçürülməsi, yaxud bir ixtisasdan digərinə dəyişdirilməsi üçün keçirilən elektron sənəd qəbulu başa çatıb. Təhsil Nazirliyi bildirir ki, 6-14 fevral arasında keçirilmiş sənəd qəbulu zamanı Transfer.edu.az portalına 2076 nəfər müraciət edib. Onlardan 497 nəfər köçürülmək istədikləri universitetləri seçərək sorğularını təsdiqləyib. 68 nəfər müraciətindən imtina edib. 307 nəfər tələbə Azərbaycanın, 122 tələbə isə xarici ölkələrin ali təhsil müəssisələrindən köçürülmək üçün müraciət edib.
2016-2017-ci tədris ilindən orta ixtisas təhsili müəssisələri tələbələrinin də elektron portal vasitəsilə köçürülməsinə başlanıb. Orta ixtisas təhsili müəssisələrinin 280 nəfər tələbəsi bu portala müraciət edib, onlardan 104 nəfər sorğularını təsdiqləyib.
