Şimali Koreya liderinin qardaşı öldürülüb
Şimali Koreyanın dövlət başçısı Kim Çen İnin ögey qardaşı Kim Çen Nam Malayziyanın paytaxtı Kuala-Lumpurda öldürülüb. Novator.az-ın məlumatına görə, Kim Çen Namı fevralın 14-ü hava limanında iki qadın zəhərləyici iynə ilə qətlə yetirib.
35 yaşlı Kim Çen İn 2011-ci ildən Şimali Koreyanın rəhbəridir. Ondan əvvəl ölkəyə onun atası Kim Çen İr (1994-cü ildən), atasından əvvəl isə babası Kim İr Sen (1948-ci ildən) rəhbərlik edib.
Kim Çen Nam Kim İr Senin başqa qadından olan övladıdır, Kim Çen İnlə atabir qardaşdır. 2001-ci ildə atasının qəzəbinə gələn Kim Çen Nam həmin vaxtdan Çində yaşayıb. 2013-cü ilin dekabrında Şimali Koreya rejimi onun rəhbər vəzifə tutan dayısı Çan Son Txeki dövlət çevrilişində təqsirləndirərək edam etdirib.
