Nazirlikdən xidmət statistikası
Vergilər Nazirliyi vergi ödəyicilərinə yanvar ayında göstərdiyi xidmətlərin hesabatını verib. Novator.az-ın məlumatına görə, hesabatda qeyd olunur ki, yanvar ayı ərzində nazirliyin Çağrı Mərkəzinin əməkdaşları canlı əlaqə zamanı daxil olmuş 46666 zəng üzrə 33903 sualı cavablandırıb.
Vergi ödəyicilərinin məlumatlandırılması məqsədilə onlara 564 661 SMS, ikitərəfli mesaj xidmətinin istifadəçilərinə isə 194284 SMS göndərilib.
Ay ərzində Vergilər Nazirliyinin rəsmi internet səhifəsinə 705586 daxilolma qeydə alınıb.
Vergi ödəyicilərinə xidmət strukturlarında 63420 vətəndaş qəbul edilib və onlara 107789 sayda xidmət göstərilib.
