Hara nə qədər qar yağıb?
Novator.az Ekologiya və Təbii Sərvətlər Nazirliyinə istinadla bildirir ki, fevralın 13-ü gündüzdən 14-ü səhərədək ölkə ərazisində sərt hava şəraiti davam edib, arabir sulu qar, qar yağıb, Lənkərana-Astara zonasında intensiv olub.
Düşən yağıntının miqdarı Bakıda və Abşeron yarımadasında 1-9, Böyük Qafqazda 2-10, Naxçıvan Muxtar Respublikasında 4-6, Lənkəran-Astara zonasında 3-29, Mərkəzi Aran rayonlarında 3-12, Qazax-Gəncə zonasında 3-10 millimetr təşkil edib.
Qarın qalınlığı Bakıda 3, Sumqayıtda 2, Lerikdə 70, Yardımlıda 39, Lənkəranda 25, Biləsuvarda 20, Astarada 14, Daşkəsəndə 15, Göygöldə 11, Gədəbəydə 9, Qubada 15, Şamaxıda 12, Qusarda 9, Şəki və Qəbələdə 8, Oğuz, Zaqatala və İsmayıllıda 4, Şabran və Şirvanda 3, Balakəndə 1, Şəmkirdə 7, Gəncə və Tovuzda 4, Ağstafada 3, Şahbuzda 28, Şərurda 27, Naxçıvanda 26, Kürdəmirdə 20, Tərtərdə 6, Beyləqanda 5, Mingəçevir və Salyanda 2, Bərdə, İmişli və Sabirabadda 1 santimetr olub.
