Fevralın 15-nə hava proqnozu
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, fevralın 15-də Bakıda və Abşeron yarımadasında hava şəraiti dəyişkən buludlu, əsasən yağmursuz keçəcək. Bəzi yerlərdə zəif duman olacaq. Arabir güclənən cənub-qərb küləyini axşam mülayim şimal-qərb küləyi əvəz edəcək.
Abşeron yarımadasında havanın temperaturu gecə 2 dərəcə şaxtadan 1 dərəcəyədək isti, gündüz isə 4-7 dərəcə isti olacaq. Bakıda gecə 1 dərəcə şaxta, gündüz 4-6 dərəcə isti olacaq.
Fevralın 15-dən əksər rayonda havanın əsasən yağmursuz keçəcəyi, lakin bəzi cənub və qərb rayonlarında yağıntılı olacağı, qar yağacağı gözlənilir. Bəzi yerlərdə duman olacaq, qərb küləyi əsəcək, arabir isə güclənəcək.
Havanın temperaturu gecə 5 dərəcəyədək şaxta, gündüz 3-8 dərəcə isti, dağlarda gecə 8-13, gündüz 5 dərəcəyədək şaxta olacaq.
