14 fevral hərracında 16 dövlət əmlakı özəlləşdirilib
Əmlak Məsələləri Dövlət Komitəsi fevralın 14-də hərrac keçirib. Hərracda 16 dövlət əmlakı özəlləşdirilib.
Rəsmi məlumata görə, özəlləşdirilən 9 kiçik dövlət müəssisəsi paytaxtın Binəqədi, Nəsimi, Suraxanı rayonlarında yerləşir.
Ən yüksək qiymətə özəlləşdirilən əmlak Masallı rayonundakı quşçuluq üzrə yardımçı təsərrüfat olub. Əmlak 150 min manata özəlləşdirilib.
Özəlləşdirilmiş qeyri-yaşayış sahələri paytaxtın Binəqədi, Nərimanov, Suraxanı rayonlarında, eləcə də Mingəçevir şəhərində yerləşir. Bu əmlakların sahəsi 20-60 kvadratmetr arasında dəyişir. Ən yüksək qiymətə özəlləşdirilmiş qeyri-yaşayış obyekti Mingəçevirdə yerləşən əmlak olub. Hərracın qalibi bu əmlakı 100 min manata əldə edib.
Hərracda özəlləşdirilmiş 7 nəqliyyat vasitəsi müxtəlif dövlət qurumlarının balansında olan, xidməti istifadədən çıxarılmış nəqliyyat vasitələridir.
