Kürün suyu artıb
Böyük Qafqazın Quba-Xaçmaz bölgəsində çayların sululuğu on günlük normanın 100-160 faizini, Kiçik Qafqaz ərazisində 180-200 faizini təşkil edir. Lənkəran-Astara bölgəsindəki çaylarda isə bu rəqəm 60-130 faiz həddindədir.
Novator.az Ekologiya və Təbii Sərvətlər Nazirliyinin Milli Hidrometeorologiya Departamentinə istinadla xəbər verir ki, tranzit çaylarda da suyun səviyyəsi artıb. Fevralın 13-də Kür çayının Qıraqkəsəmən məntəqəsində su səviyyəsi 3 santimetr artıb, su sərfi on günlük normanın 86 faizini təşkil edib.
Qanıx çayının Əyriçay məntəqəsində suyun səviyyəsində dəyişiklik olmayıb. Hazırda məntəqədə su sərfi on günlük normanın 82 faizini təşkil edir.
Kür çayının aşağı axınında da artım müşahidə olunub. Kür çayının məntəqəsi olan Surrada 3, Şirvan və Bankədə 4, Araz çayının Novruzlu məntəqəsində isə 5 santimetr su artımı var. Salyanda dəyişiklik qeydə alınmayıb.
