Hava necə olacaq?
Fevralın 14-də Bakı və Abşeron yarımadasında hava dəyişkən və buludlu olacaq, arabir tutulacaq, gün ərzində əsasən yağmursuz keçəcək, lakin gecə saatlarına gözlənilən zəif qar səhər tədricən kəsiləcək. Məlumatı Ekologiya və Təbii Sərvətlər Nazirliyinin Milli Hidrometeorologiya Departamenti yayıb.
Məlumata görə, Abşeron yarımadasında gecə 2 dərəcəyədək şaxta, gündüz 2-5 dərəcə isti, Bakıda gecə 1 dərəcəyədək şaxta, gündüz 3-5 dərəcə isti olacaq, nisbi rütubət gecə 85-95, gündüz 60-70 faiz təşkil edəcək.
Azərbaycanın bəzi rayonlarında arabir qar yağacağı, gündüz isə əksər rayonlarda havanın yağmursuz keçəcəyi gözlənilir.
Rayonlarda havanın temperaturu gecə 4 dərəcəyədək şaxta, gündüz 2-6 dərəcə isti, dağlarda gecə 6-11, gündüz 5 dərəcəyədək şaxta olacaq. Yollar buz bağlayacaq.
Son 4 gün ərzində (10, 11, 12, 13 fevral) ölkə ərazisindən soyuq atmosfer cəbhələrinin keçməsi nəticəsində havanın temperaturu fevral ayının iqlim normasından 3 dərəcəyədək aşağı olub. Bəzi rayonlarda, həmçinin Abşeron yarımadasında qar yağıb.
