Sərhəddə yanvar pozuntuları
Dövlət Sərhəd Xidməti yanvar ayına dair hesabat yayıb. Novator.az-ın məlumatına görə, hesabatda qeyd olunur ki, ay ərzində dövlət sərhədini pozan 46 nəfər saxlanıb. Onların 18 nəfəri Azərbaycan, 10 nəfəri Nigeriya, 5 nəfəri Gürcüstan, 4 nəfəri Tacikistan, 4 nəfəri Özbəkistan, qalanları İran, Rusiya, Banqladeş, Qana və Kamerun vətəndaşıdır.
Sərhəd rejim qaydalarını pozarkən 718 nəfər saxlanaraq barələrində müvafiq tədbirlər görülüb.
Hüquq mühafizə orqanlarının axtardığı 344 nəfər aşkarlanaraq aidiyyəti orqanlara təhvil verilib.
3 kiloqram 281,5 qram narkotik maddə aşkar edilərək götürülüb, ümumi dəyəri təqribən 336 min 581 manat olan qaçaqmal saxlanıb.
