Yanvarda göstərilən xidmətlər
Əmək və Əhalinin Sosial Müdafiəsi Nazirliyi əlilliyi olan şəxslərin protez-ortopedik məmulat və reabilitasiya vasitələri ilə təmin edilməsi üzrə hesabat yayıb. Hesabata görə, yanvar ayında nazirliyin Protez-Ortopedik Bərpa Mərkəzi, onun Gəncə şəhərindəki filialı və Naxçıvan istehsalat sahəsi 1099 nəfər əlilliyi olan şəxsi (o cümlədən ölkənin ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlil olmuş 170 nəfər vətəndaşı) ümumilikdə 2752 protez-ortopedik məmulat və reabilitasiya vasitəsi ilə təmin edib.
Əlilliyi olan şəxslərə 94 ədəd aşağı və yuxarı ətraf protezi, 147 ədəd yuxarı və aşağı ətraf ortezi, 63 ədəd bel və boyun nahiyəsi üçün korset, 1166 ədəd müxtəlif reabilitasiya vasitəsi verilib.
Yanvarda əlilliyi olan şəxslər həmçinin 287 cüt protez ayaqqabı, 59 ədəd dördayaqlı dayaq vasitəsi, 99 cüt qoltuqaltı və 153 cüt dirsəkaltı ağacla, 359 ədəd əsa, 5 ədəd eşitmə aparatı və s. ilə təmin ediliblər. 2 nəfər əlilliyi olan şəxs isə əlil arabası ilə təmin olunub.
Ötən ay əlilliyi olan şəxslərə məxsus 52 ədəd reabilitasiya vasitəsi və protez-ortopedik məmulat təmir edilərək yenidən onların istifadəsinə təqdim olunub.
