Naxçıvanın iqtisadi göstəriciləri
Ötən il Naxçıvan Muxtar Respublikasında ümumi daxili məhsul istehsalının həcmi 2 milyard 582 milyon 361 min manat təşkil edib. Ümumi daxili məhsul istehsalında özəl bölmənin xüsusi çəkisi 87 faizi ötüb. Xəbəri AZƏRTAC-ın Naxçıvan Muxtar Respublikasındakı bürosu yayıb.
Ümumi daxili məhsulun tərkibində sənaye 717 milyon 899 min manatla ilk yerə sahib olub.
Kənd təsərrüfatı məhsulunun ümumi həcmi 2015-ci illə müqayisədə 6,1 faiz artaraq 429 milyon 448 min manat təşkil edib.
Məlumata görə, 2016-cı ildə muxtar respublikada 3 mindən artıq yeni iş yeri açılıb, bunun da 98 faizi daimidir.
2016-cı ildə xarici ticarət dövriyyəsinin həcmi 463 milyon 244 min ABŞ dollarına çatıb, bunun da 90,5 faizi ixracın, 9,5 faizi isə idxalın payına düşüb.
