İlham Əliyev Milli Qəhrəman Çingiz Qurbanovun ailə üzvləri ilə görüşüb
Prezident İlham Əliyev fevralın 9-da Milli Qəhrəman Çingiz Qurbanovun ailə üzvləri ilə görüşüb.
Əsgər Çingiz Salman oğlu Qurbanov 2016-cı il dekabrın 29-da Ermənistan Silahlı Qüvvələrinin kəşfiyyat qrupu Azərbaycan-Ermənistan dövlət sərhədini pozmağa cəhd göstərərkən şəhid olub. Döyüş toqquşması zamanı qarşı tərəfin bir zabiti, iki əsgəri öldürülüb.
Çingiz Qurbanovun meyiti 2017-ci il fevralın 5-də geri qaytarılıb. Şəhid əsgər fevralın 6-da Qusar şəhərinin Şəhidlər xiyabanında torpağa tapşırılıb.
Fevralın 7-də prezident İlham Əliyev Çingiz Qurbanova Azərbaycanın Milli Qəhrəmanı adı verilməsi barədə sərəncam imzalayıb. Şəhid əsgər bu yüksək ada Azərbaycanın ərazi bütövlüyünün qorunub saxlanmasında xüsusi xidmətlərinə və döyüş tapşırığını yerinə yetirərkən göstərdiyi igidliyə görə layiq görülüb.
