Ermənistana pul köçürmələri nə qədər azalıb?
2016-cı ildə Ermənistana bankla fərdi pul köçürmələrinin həcmi 1,5 milyard dollar olub. Bu, əvvəlki illə müqayisədə 6% azalma deməkdir. Ermənistandan isə xarici ümumilikdə 816,9 milyon dollar pul köçürülüb, 7,3% artım qeyd edilib.
Novator.az xəbər verir ki, Ermənistan Mərkəzi Bankının hesabatına görə, pul köçürmələrinin 58,5%-i Rusiyanın payına düşür. Bununla belə, Rusiyadan Ermənistana bankla fərdi pul köçürmələri ötən il 2015-ci illə müqayisədə 11% azalıb. Ermənistandan Rusiyaya pul köçürmələri isə 16,4% çoxalıb.
Ötən il Rusiyadan Ermənistana pul daxilolmalarının təmiz həcmində 22% azalma qeydə alınıb.
