Dollarda eniş dayandı, digər valyutalar bahalaşdı
Bir neçə günə 10 qəpik həndəvərində ucuzlaşan ABŞ dollarının rəsmi kursu bu dəfə sabit qalıb. Mərkəzi Bank fevralın 9-da dolları ötən gün olduğu kimi 1,8252 manata satır.
Bir çox valyutada, o cümlədən avro və Rusiya rublunda isə bahalaşma var. Novator.az-ın məlumatına görə, avro 1,9489 manatdan 1,9507 manata, rubl 0,0307 manatdan 0,0309 manata qalxıb.
Məzənnələri artan gürcü larisi 0,6894, ingilis funt sterlinqi 2,2844, türk lirəsi 0,4908 manata təklif olunur.
2017-ci ilə dolların ən yüksək rəsmi qiyməti fevralın 3-də qeydə alınıb: 1,92 manat.
