Ötən il nə qədər yaşayış evi tikilib?
Dövlət Statistika Komitəsi yaşayış evlərinin tikintisi haqqında illik hesabat yayıb. Novator.az-ın məlumatına görə, hesabatda qeyd olunur ki, 2016-cı ildə ümumi sahəsi 1 milyon 677,1 min kvadratmetr olan yeni yaşayış evləri tikilib istifadəyə verilib. İstifadəyə verilmiş ümumi sahənin 78,6 min kvadratmetri məcburi köçkünlər üçün tikilmiş evlərdir.
İl ərzində mənzil tikintisində istifadə edilmiş vəsaitin həcmi 683,5 milyon manat olub, onun 47,5 milyon manatı dövlət, 636 milyon manatı isə qeyri-dövlət mülkiyyətində olan müəssisə və təşkilatların payına düşüb.
Ölkə vətəndaşları şəxsi vəsaitləri hesabına 11,2 min yaşayış evi tikiblər, onların əksəriyyəti Naxçıvan Muxtar Respublikasında, Bakı, Lənkəran şəhərlərində, Abşeron, Şəmkir, Tovuz, Kürdəmir, Cəlilabad və Qəbələ rayonlarında inşa edilib.
