İşğal zonasına nə qədər adam səfər edir?
Novator.az erməni mənbələrinə nəzər salaraq işğaldakı Azərbaycan ərazilərinə səfər statistikası əldə edib.
Azərbaycanın Dağlıq Qarabağ bölgəsi (Xankəndi şəhəri, Ağdərə, Xocalı, Xocavənd, Şuşa rayonları), eləcə də Laçın, Kəlbəcər, Ağdam, Füzuli, Cəbrayıl, Qubadlı, Zəngilan rayonları Ermənistanın işğalı altındadır.
2007-2013-cü illər arasında işğal zonasına səfərlərin 40% artdığı iddia olunur.
Ermənilərin iddialarına görə, 2012-ci ildə işğal altındakı Azərbaycan ərazilərinə 15,5 min nəfər səyahət edib.
2013-cü ildə işğal bölgəsinə 16,3 min nəfərin səfər etdiyi vurğulanır.
Qeyd olunur ki, 2014-cü ildə işğal zonasına 13 min nəfər gedib.
2015-ci ildə isə işğal bölgəsinə 16,5 min nəfərin səfər etdiyi bildirilir.
2016-cı ilə aid rəqəmlər bəlli olmasa da, Dağlıq Qarabağa turist səfərlərinin aprel müharibəsi fonunda 2015-ci ilin eyni dövrü ilə müqayisədə 39% azaldığı qeyd edilir.
2016-cı il aprelin 2-dən 5-dək Azərbaycanın Silahlı Qüvvələri əks-həmlə əməliyyatları zamanı Ağdərə, Füzuli və Cəbrayıl rayonları ərazilərində bəzi məntəqələri işğaldan azad edib. Ümumilikdə 2000 hektardan artıq ərazinin azad edildiyi bildirilir.
