Fövqəladə hallarda 134 nəfər həlak olub
2016-cı ildə ölkədə 12110 təbii və texnogen mənşəli hadisə baş verib, bu da 2015-ci illə müqayisədə 11% azdır. Hesabatı Fövqəladə Hallar Nazirliyi yayıb. Novator.az-ın məlumatına görə, hesabatda bildirilir ki, təbii və texnogen mənşəli hadisələr nəticəsində 68 nəfər həlak olub, 239 nəfər xəsarət alıb.
2016-cı ildə baş vermiş yanğınlarda 54 nəfər həyatını itirib, 146 nəfər xəsarət alıb. Əvvəlki illə müqayisədə həlak olanlar üzrə 16%, xəsarət alanlar üzrə 14% azalma var.
Ötən il ölkə ərazisində 68 partlayış hadisəsi baş verib, bu da 2015-ci illə müqayisədə 10% çoxdur. Partlayışlar zamanı 12 nəfər həlak olub, 88 nəfər xəsarət alıb.
