Qadın iştirakçılığına dair rəqəmlər
Ailə, Qadın və Uşaq Problemləri üzrə Dövlət Komitəsinin sədri Hicran Hüseynova Yap.org.az saytına müsahibəsində deyib ki, dövlət qulluğunda çalışanlar arasında qadınların xüsusi çəkisi 29,2 faizə, sahibkarlar arasında isə qadınların iştirakçılığı 20 faizə çatıb: “Qadınların iqtisadi cəhətdən gücləndirilməsi ailə münasibətlərinə təsir edir. 2012-ci ildə 73 min 469 nəfər sahibkar qadın var idisə, 2016-cı ilin əvvəlinə bu rəqəm 113 min 889 nəfər olub”.
Novator.az-ın məlumatına görə, komitə sədri qeyd edib ki, Milli Məclisdə qadın millət vəkillərinin sayı artır: “1990-cı ildə bütün deputatların 4,3%-ni qadınlar təşkil edirdisə, 2015-ci il parlament seçkisində qadın millət vəkillərinin sayı artaraq 16,8%-ə yüksəlib. 2009-cu ildəki seçkilərdə bələdiyyə üzvü seçilmiş qadınlar 26,7% olub. 2014-cü ildə isə bələdiyyə üzvü seçilmiş qadınların sayı 35% təşkil edib”.
