Neftin qiyməti: BP ehtimala ümid edir
“Qlobal neft və qaz bazarının bərpası Neft İxrac edən Ölkələr Təşkilatının (OPEK) neft hasilatının azaldılmasını nəzərdə tutan sazişinin icrasından asılıdır”. AZƏRTAC-ın məlumatına görə, bunu BP-nin baş icraçı direktoru Robert Dadli deyib. O bildirib ki, neft istehsalçıları hasilatın azaldılması öhdəliklərini yerinə yetirsələr, qiymət 2017-cu ilin sonuna yaxın 60 dolları ötə bilər: “2017-ci ildə bazarda tarazlığın yaranacağına inanırıq. Lakin bazarın tam balanslaşacağı ilə bağlı bəzi qeyri-müəyyənliklər də var”.
Fevralın 7-si dünya birjalarında neftin qiyməti müxtəlif istiqamətlərdə dəyişib. Nyu-York birjasında “Layt” markalı neftin bir barreli 0,06 dollar bahalaşaraq 53,07 dollar, London birjasında “Brent” markalı neftin bir barrelinin qiyməti 0,10 dollar artaraq 55,82 dollar olub. “AzəriLayt” markalı neftin bir barreli isə 0,88 dollar ucuzlaşaraq 57,20 dollar təşkil edib.
Novator.az xatırladır ki, iri neft ölkələrini birləşdirən OPEK yanvarın 1-dən gündəlik hasilatı 1,2 milyon barrel, qeyri-OPEK ölkələri 558 min barrel azaldıb. Azərbaycan gündəlik hasilatı 35 min barrel azaltmağa razı olub.
