Əlillərə xidmət hesabatı
Əmək və Əhalinin Sosial Müdafiəsi Nazirliyi əlillərə ötən il göstərilmiş xidmətlərlə bağlı hesabat yayıb. Novator.az-ın məlumatına görə, ötən il Respublika Əlillərin Bərpa Mərkəzində 1756 nəfər əlilliyi olan şəxsə bərpa-müalicə xidməti göstərildiyi bildirilir.
Nazirlik qeyd edir ki, ötən il ölkənin bütün bölgələri üzrə 15 bərpa-müalicə müəssisəsi, o cümlədən Respublika Protez-Ortopedik Bərpa Mərkəzi və Xüsusi Qayğıya Ehtiyacı Olan Uşaqlar Üçün Reabilitasiya Mərkəzində 23,3 min nəfər reabilitasiya xidmətləri ilə təmin olunub, əlilliyi olan şəxslərə və sağlamlıq imkanları məhdud uşaqlara 32,8 minədək protez-ortopedik məmulat və reabilitasiya vasitəsi verilib.
