Ermənistanda yeni fövqəladə hallar naziri
Fevralın 6-da Ermənistan prezidenti Serj Sərkisyan yeni fövqəladə hallar naziri təyin edib. Novator.az-ın məlumatına görə, bu postu David Tonoyan tutub. David Tonoyan yeni təyinata qədər müdafiə nazirinin birinci müavini idi.
Əvvəlki fövqəladə hallar naziri Armen Yeritsyan ötən il dekabrın 13-də vəfat edib. Həmin vaxtdan nazir səlahiyyətlərini müavin Aykaram Mxitaryan həyata keçirirdi.
David Tonoyan 1967-ci ildə Qazaxıstanda doğulub. Yerevan Dövlət Universitetini, Moskva Hərbi Diplomatik Akademiyasını bitirib. Ermənistanın daxili işlər orqanlarında, Hərbi Polisdə, Müdafiə Nazirliyində xidmət edib. Ölkənin Silahlı Qüvvələrinin NATO-dakı nümayəndəsi olub. 2010-cu ildən müdafiə nazirinin birinci müavini idi.
