8 nəfərin axtarışı davam edir
Dövlət Dəniz Administrasiyasında Fövqəladə Hallar Nazirliyi, Müdafiə Nazirliyi, Dövlət Sərhəd Xidməti, SOCAR və Azərbaycan Xəzər Dəniz Gəmiçiliyi ilə birgə yaradılmış qərargah ötən il dekabrın 15-də itkin düşmüş neftçilərin axtarışını davam etdirir.
Ötən il dekabrın 15-də güclü külək “Azneft” İstehsalat Birliyinin neft yığım məntəqələrinin birində estakadanı dənizə uçurub, 10 neftçi batıb, həmin gün onlardan 1-nin meyiti tapılıb.
Axtarış-xilasetmə qərargahı fevralın 1-də Neftçala rayonunun 1-ci Mayak kəndi ərazisində, sahildə meyit aşkarlayıb. Son rəsmi məlumata görə, sahildə meyiti tapılan şəxsin itkin düşən neftçilərdən biri – operator Hacıəliyev Həsənağa Hüseynağa oğlu olması təsdiq edilib. Mərhumun nəşi ailəsinə təhvil verilib.
